ОМ ЕЛИКСИР · ЕДУКАТИВНА СЕРИЈА 2/3

Од либерализација до магистрален препарат: законската рамка во Македонија

Патот на медицинскиот канабис низ македонското законодавство: законска рамка за медицински канабис, обликувана од првата либерализација во 2016 до амандманите од 2023.

⚖️ Законска регулатива ⏱ 7 мин читање 🎓 Стручно ревидирано

По либерализацијата на употребата на канабис во медицински цели во јуни 2016, во Македонија — исто како и во светски рамки — се наметна прашањето: во која категорија да се вбројат производите од канабис? Премногу се потентни за да бидат категоризирани како додатоци на исхраната, а премногу се хербални за да бидат категоризирани како стандардни, конвенционални медицински производи. Токму ова прашање ја обликува законската рамка за медицински канабис каква што ја познаваме денес.

01 — Категоризација

Два вида производи во законска рамка за медицински канабис

Законодавецот го реши ова прашање преку јасна поделба, според содржината на психотропниот THC:

Без рецепт

Гранични производи

Декларирана содржина на CBD со отсуство/лимитирано присуство на THC (макс. 0,2% или макс. 2 mg вкупен дневен внес/g). Во слободна продажба.

Со рецепт

Магистрален препарат

Декларирана содржина над 0,2% психотропен THC, самостојно или во комбинација со CBD. Се изработува и издава исклучиво по лекарски рецепт, во лиценцирана аптека.

02 — Хронологија

Патот на регулативата

Јуни 2016

Либерализација на употребата на канабис за медицински цели во Македонија. Пациентите добиваат легален, строго контролиран пристап преку докторска проскрипција.

2016–2023

THC-производите се комерцијално достапни во оригинално пакување, произведени во GMP-сертифицирани капацитети. Пациентите ги подигаат по добиен „дупли” рецепт од доктор специјалист, во аптеки овластени за наркотични и психотропни лекови.

Март 2023

Клучни измени во Законот. Производите со THC над 0,2% преминуваат во статус на магистрални производи — се подготвуваат индивидуално во аптеки со двете потребни дозволи, според точниот состав пропишан од докторот.

Денес

Стандардизираните, лабораториски потврдени екстракти претставуваат влезна суровина за магистрална подготовка, во одобрени аптеки со соодветна опрема и дозвола за издавање.

03 — Кој смее да пропише

„Дупли рецепт” и медицинските индикации

Законодавецот на оваа тема остана дециден: само лекари специјалисти од точно определени специјалности (меѓу кои невролог и онколог) можат да го издадат т.н. „дупли рецепт” и да пропишат THC+CBD препарат, како адјувантен третман паралелно со стандардната конвенционална медицина.

Канцер

Мултипла склероза

Епилепсија

ХИВ/СИДА

Невропатска болкаНОВО · 2023

Палијативна негаНОВО · 2023

„Секој доктор специјалист, стоматолог, доктор по ветерина, па и матичен доктор — да добие право да пропише на пациент препарат од канабис.” Ова е насоката кон која искуствата покажуваа дека треба да се движи регулативата.

ЗОШТО ЈА ОСНОВАВМЕ ОМ ЕЛИКСИР

Измените од 2023 година, со кои медицинските производи со содржина на THC над 0,2% преминаа во магистрални производи, беа изворот на нашата иницијатива. Чекор по чекор, дојдовме до основната причина токму заради која ја добивме идејата да основаме аптека.

Нашата цел беше јасна: магистрална подготовка на препарати кои содржат екстракти од медицински канабис, наменети за медицински цели, и нивно издавање кон пациентите — на начин кој ги задоволува сите услови во секоја фаза, онака како што налагаат струката, етиката и законот.

Токму тука ги препознаваме нашите вредности: ПЗУ ОМ Еликсир нуди богата палета на фармацевтски производи, додатоци на исхраната и козметички производи, а според докторска проскрипција врши подготовка и на други магистрални препарати — во целост и од сите аспекти согласно важечката законска регулатива.

ℹ️

Важна напомена: Оваа статија е информативна и не претставува медицински совет. За издавање магистрален препарат потребна е важечка докторска проскрипција од овластен специјалист.

ОМ ЕЛИКСИР · МАГИСТРАЛНА ЛАБОРАТОРИЈА

Имате докторска проскрипција? Ние ја подготвуваме точно според неа

Ги задоволуваме сите услови и барања за магистрална подготовка на препарати од медицински канабис — професионално и во целосна согласност со важечката законска регулатива.

Донесете го рецептот кај нас →

Продолжува во статија 3/3: Како да препознаете квалитетен препарат — Full Spectrum наспроти изолати.