Канабисот е растение чија употреба, во вид на различни преработки, е позната уште од времето на древните цивилизации. По децении целосна прохибиција, денес доживува вистинска демистификација — неговиот терапевтски потенцијал често го споредуваат со потенцијалот на пеницилинот, поради исклучително богатиот биолошки состав кој растението го содржи.

Повеќе за составот на растението и научната позадина: Науката зад канабисот →

За регулаторната мрежа што веќе постои во телото: Ендоканабиноидниот систем →

Канабисот содржи над 500 познати фитокомпоненти, од кои 120–140 се идентификувани канабиноиди. Дополнително, содржи над 140 терпени и терпеноидни соединенија, флавоноиди, каротеноиди и фитостероли, како и висок процент на есенцијални незаситени масни киселини, витамини (A, E, D, B-групата, C), минерали и редок протеин (едастин), сличен со хуманиот имуноглобулин.

Синергизмот е заедничкото, поддржувачко дејство на сите фитокомпоненти во растението — канабиноиди, терпени, флавоноиди и фитостероли — коешто е многу поизразено од дејството на секоја компонента поединечно. Токму овој синергизам е основата на потенцијалот на екстрактите од канабис, а не изолирано единечно соединение.

Производите со декларирана содржина на CBD и отсуство/лимитирано присуство на THC (максимум 0,2%) се категоризирани како гранични производи и се наоѓаат во слободна продажба, без лекарски рецепт. Производите со декларирана содржина над 0,2% психотропен THC претставуваат магистрален препарат за медицински цели, кој се изработува и издава исклучиво по лекарски рецепт, во лиценцирана аптека.

Либерализацијата на употребата на канабис во медицински цели во Македонија влезе во сила во јуни 2016 година, со што пациентите добија легален, строго контролиран пристап до препарати од медицински канабис, според докторска проскрипција. Со измените на Законот за лековите од март 2023 година, производите со THC над 0,2% преминаа во статус на магистрални производи, кои се подготвуваат индивидуално во лиценцирани аптеки.

Целата хронологија на регулативата: Од либерализација до магистрален препарат →

Препаратот го пропишуваат лекари специјалисти од специјалностите предвидени со закон, преку т.н. „дупли рецепт", како адјувантен третман паралелно со стандардната конвенционална медицина. Законот предвидува примена кај шест медицински индикации: канцер, мултипла склероза, епилепсија, ХИВ/СИДА, невропатска болка и палијативна нега.

Повеќе за индикациите и за адјувантната примена: Кај кои состојби се применува →

„Full Spectrum" екстракт значи дека ништо не е одземено ниту додадено од природниот состав на растението, освен прочистување од восоци и масти. Соодносот на CBD и THC во ваквиот екстракт е идентичен со оној во самото растение, со што се задржува целосниот синергизам на сите биоактивни компоненти. Приоритет при изборот на препарат треба да се даде токму на богатството на овие компоненти, а не само на процентот на CBD.

За да се постигне повисока содржина на CBD при задржан максимален праг на THC од 0,2%, некои производители го „збогатуваат" (фортифицираат) природниот екстракт со додадени CBD кристали — природни изолати или, почесто, целосно синтетски кристали, производ на органска синтеза. Со ова се нарушува природниот синергизам: се добива повисока содржина на CBD, но со намалено присуство на сите останати вредни компоненти. Доколку ова не е јасно декларирано, потрошувачот добива производ со преувеличани, најчесто неостварливи очекувани бенефити.

Декларацијата треба јасно да наведува дали екстрактот е „Full Spectrum", дали е збогатен со дополнителна количина на CBD и со каква форма (природен изолат или синтетски кристал), како и точниот сооднос помеѓу нив. Значајно е и разграничувањето на киселата (CBDA/THCA) и неутралната (CBD/THC) форма на канабиноидите, наместо само вкупен процент, како и наведување на методот на екстракција, кој мора да е конзистентен за секоја серија на производот.

Целосна листа за проверка пред купување: Како да препознаете квалитетен препарат →

Масло од коноп (Hemp Oil) е екстракт од индустриски коноп, со ниско присуство на CBD (до околу 20%) и незначителен THC. Масло од медицински канабис (Medicinal Cannabis Oil) е екстракт добиен најчесто со супер-критична CO₂ екстракција, со и над 85% примарен канабиноид и богат Full Spectrum состав. Масло од семе од коноп (Hemp Seed Oil) е ладно цедено масло кое воопшто НЕ содржи канабиноиди и се користи исклучиво во диететски и козметички цели.

Клучен аспект на квалитет е отсуството на контаминанти: пестициди, тешки метали, резидуални органски растворувачи, микотоксини и обезбедена микробиолошка чистота. Растителниот материјал треба да потекнува од лиценцирани одгледувачи, а екстракцијата да се врши со методи (пред сè супер-критична CO₂ екстракција со фармацевтски квалитет CO₂) кои не оставаат резидуални растворувачи во финалниот производ.

ОМ Еликсир е основан токму заради измените од 2023 година, со кои производите со THC над 0,2% преминаа во статус на магистрални производи. Нашата цел е магистрална подготовка на препарати кои содржат екстракти од медицински канабис, наменети за медицински цели, на начин кој ги задоволува сите услови во секоја фаза — онака како што налагаат струката, етиката и законот.

Работиме исклучиво со стандардизирани, лабораториски потврдени Full Spectrum екстракти, со целосна следливост на составот од растението до готовиот препарат, изработен точно според Вашата докторска проскрипција.

Целиот тек на изработката, чекор по чекор: Од растение до магистрален препарат →